BO NADAL!

Os nosos mellores desexos para todos vós.

BO NADAL

AGASALLO EN CONSERVA

Como xa sabedes, este proxecto noso "Amar o mar" é un proxecto de toda a comunidade educativa, aquí participamos todos!!

Temos a fortuna de contar con nais moi implicadas, que están sempre dispostas a axudarnos e que van presumindo, alá por onde van, do seus fillos e do noso traballo.

E foi grazas a elas que, Galica (Conservas y Mariscos de Galicia) fíxonos chegar estes paquetiños con conservas que os nosos alumnos levaron para compartir coas súas familias (e algunha xa nos fixo saber que estaban ben boas).

Moitísimas grazas!!!

O NOSO BARCO

No noso cole todo o que facemos... facémolo ao grande.

Que o tema que estamos a traballar é o mar... pois o mar terá que estar no cole!

Da nos visita á Illa de Arousa vimos namorados dos barcos pesqueiros así que... que mellor que ter o noso propio barco no cole?

Foi así que convertimos a conserxería do centro nun barco o que non lle falta detalle.

Todo aquel que entra no centro sácalle unha foto ou, mellor aínda, saca unha foto co barco!!

IMOS DE EXCURSIÓN

O pasado luns fixemos unha excursión que forma parte das actividades do noso PDI e do noso Proxecta "Amar o mar".

Como no tema do mexillón estivemos a traballar as conserveiras, fomos visitar unha para coñecer de primeira man o que fan, e Conservas Dardo foi a encargada de explicarnos en que consiste o traballo que alí levan a cabo, como se reparten as tarefas, de onde veñen os produtos...

O luns, xustamente, estaban a traballar con mexillóns, atúns e sardiñas.

Foi moi interesante saber como traballan esas mulleres (porque non nos coincidiu de ver ningún home) e démonos conta do traballo duro que é porque facía un pouquiño de frío, cheiraba "regular" e facíano todo a man.

Algúns de nós temos nais que traballan nas conserveiras e... démonos conta de que é moito o que traballan!

Despois fomos ata o IGAFA (Instituto Galego de Formación en Acuicultura) e alí alucinamos un montón. 

Agora estamos co tema do rodaballo, así que nos explicaron como se crían nas piscifactorías e vimos o seu proceso de crecemento. Vimos rodaballos mini, rodaballos pequenos, medianos, grandes... de todo! E tamén vimos de todos os tamaños aos lenguados, lumbrigantes (ata vimos como mudan o cascarón)... e os seus alimentos.

O certo é que aprendemos un montón de cousas sobre a vida dos animais mariños.

Pero, para rematar, tivemos unha sorpresa. Resulta que neste instituto teñen un ciclo de FP de experto en buceo, e tivemos a oportunidade de ver (e algúns incluso entrar) unha cámara hiperbárica que era o máis parecido que vimos na nosa vida a un submarino.

Foi unha mañán de moito axetreo e chagamos ao cole moi cansos, pero tivemos a sorte de que Larsa (gracias ás mamás da ANPA que están en todo) tivo a ben ofrecernos unha riquísima merenda con queixo, iogures, batidos... que nos encheron de forza para afrontar o día!

DECORACIÓN DA ENTRADA DO COLE

Como estamos a traballar o mexillón, decidimos crear a nosa propia batea (non hai dúbida de que é 100% nosa) e poñela na entrada do centro para que, así, todo aquel que entre se mergulle no noso proxecto.

RECEITAS CO RODABALLO

Tócalle o turno ao rodaballo. 

Como é un peixe un pouco caro (non nos imos enganar) non sabemos aínda se teremos a oportunidade de incluílo no menú do cole pero... estabamos seguros de que as familias dos nosos alumnos estarían dispostas a recomendarnos algunha receita por si se nos presenta a oportunidade!

Unha vez máis, as familias, demostráronnos que están moi implicadas no noso proxecto.

Así que aquí tendes a terceira parte da nosa "revista de receitas".

                              

O RODABALLO

O rodaballo é un peixe cunha carne considerada como excelente polos expertos.

A nosa economía non nos vai dar para poder degustalo no comedor do centro, pero Frida achéganos a el explicándonos as súas características e falándonos da acuicultura.

Aquí vos deixamos os nosos materiais de traballo. Xa sabedes, premede nas imaxes e accederedes aos PDF.

                                   

      

Como material manipulativo temos un loto redondo con pinzas que, por unha banda nos permite identificar aos animais e por outro serve para distinguir os animais mariños daqueles que non o son.

E agora deixámosvos co vídeo explicativo da importancia de incluir o rodaballo na nosa dieta.

"EL GRAN VIAJE DEL PLANCTON"

Hoxe queremos compartir con vós un cómic elaborado polo Instituto de Investigacións Mariñas - CSIC titulado "El gran viaje del plancton" e que nos conta unha historia protagonizada por un polbo, un rodaballo e unha femia de copépodo.

Esta obra ten un carácter divulgativo e ten como obxectivo mostrar a riqueza da Ría de Vigo. 

Está relacionada coa vida microscópica mariña na que, a través dos tres personaxes principais, aprenderemos sobre a vida dos compoñentes do plancton na contorna das Illas Cíes.

App SOBRE PRODUTOS DO MAR

Hoxe queremos compartir con vós unha aplicación da Xunta de Galicia que, de seguro, nos será moi útil para coñecer un pouquiño máis os produtos do noso mar.

"Non piques - non peques" é unha aplicación que permite coñecer cales son os peixes e mariscos máis habituais en Galicia, cal é a mellor época do ano para o seu consumo e como identificar, de forma sinxela, os tamaños mínimos legais para o seu consumo, algo moi moi importante.

Unha moi boa iniciativa da Consellería do Mar.

O MEXILLÓN... EXPLICADO POLOS MAIORES DO COLE!

Os maiores do cole están moi metidos no proxecto "Amar o mar" e, como nos queren axudar a aprender un motón de cousas, están a crear o seu propio mural sobre os produtos do mar que estamos a traballar.

O mexillón está a ser o protagonista e, como podedes ver, fan a explicación tanto para aqueles que teñen lecrtoescritura, como para os que empregan pictogramas na súa comunicación. 

Están en todo estes rapaces!!!

CADERNO DE PREMIOS!

Para animar aos nosos alumnos e motivalos un pouquiño máis, decidimos crear un caderniño coleccionable.

Por cada produto do mar traballado recibirán un adhesivo (cando a súa profe confirme que remataron todo o traballo) que terán que pegar no seu caderno.

Cando consigan todas as pegatinas (alá polo mes de xuño) recibirán un premio polo seu traballo!!

Ánimo rapaces!!

RECEITAS CON MEXILLÓNS

Como estamos a traballar o mexillón, invitamos ás familias a enviarnos unha receita, unha desas que gustan moito na súa casa.

Desta volta anímáronse moitos máis e temos un bo número delas.

Como os nosos alumnos están a tope coas novas tecnoloxías (imos poñer unha foto porque hai por aí quen non nos cre 😉) elaboraron unha nova "revista de receitas".

Xa sabedes que só tedes que premer nas imaxes para acceder aos documentos.

                          

  

MÁIS MEXILLÓN NO MENÚ

Esta semana tivemos a oportunidade de saborear outra receita cuxo produto principal era o mexillón.

Desta vez Mar, a nosa cociñeira, preparounos uns deliciosos mexillóns rebozados. 
Ao principio pensabamos que eran croquetas pero despois levamos unha grata sorpresa!!!

MEXILLÓN NO MENÚ DO COLE

Como estamos a traballar o mexillón decidimos introducilo no menú do noso comedor.

Da man dos mexillóns de Manuel Prieto (ao que lle damos infinitas grazas) e da nosa cociñeira, puidemos degustar un saboroso prato de fabas con mexillóns.

 Quedamos sorprendidos con esta receita proposta por Alba, unha das coidadoras do cole, e temos que dicir que estaba boísima!!

Animádevos a probar!

 

CONSUMO RESPONSABLE E ALIMENTACIÓN SAUDABLE

A semana pasada fomos a unha actividade de consumo responsable e educación saudable. 

Nós xa sabemos moitas cousas sobre este tema, pero nunca está de máis repasar… 

Contáronnos cales son os alimentos máis sans para a nosa saúde (entre eles os produtos do mar, que tanto estamos a traballar no cole), falamos da pirámide alimenticia, de que é recomendable facer 5 comidas ao día e  de moitos consellos máis, que pouco a pouco, charla a charla, intentamos incorporar as nosas rutinas diarias.

Ademais chegamos cun agasallo (e tamén cunha molladura)!

O MEXILLÓN

O mexillón é un dos produtos estrela da nosa terra.

Que fermosa é a nosa ría e que gustiño da ver todas as bateas no mar!!

 Na Ría de Arousa temos 2.292 bateas!! O 68,68% de todas as bateas que hai en Galicia!! Non está nada mal, eh?

Frida, nesta unidade, explícanos que son as bateas e fálanos das conserveiras, unha industria moi importante na nosa contorna.

Se queredes saber como traballamos o tema do mexillón, non tedes máis que premer nas imaxes e iredes ao arquivo en PDF.

                             

O material manipulativo desta unidade consiste nun quebracebezas de metades sobre os moluscos.

Pero... sabedes por que é importante comer mexillón? Neste vídeo tedes a expliación!

CANCIÓNS PARA AMAR O MAR

 A nós todo o que sexa cantar e bailar... encántanos! Así que non podía faltar unha escolma de cancións sobre o mar.

Ese mar no que viven os animais mariños, no cal podemos nadar e nadar, onde navegan barcos piratas e pesqueiros...  

En resumo; un mar... para amar.

SAMAÍN PIRATA

Como non podía ser doutro xeito, o noso Samaín tamén estivo relacionado co tema do mar. 

Os nosos alumnos tiñan que atreverse a surcar os mares do terror e ser quen de asustar ao Pirata Malapata coas súas cabazas e... abofé que o fixeron!!!

RECEITAS CON AMEIXAS

Como xa sabedes, o noso proxecto é de centro, é dicir, de toda a comunidade educativa.

Co fin de facer as familias un poquiño máis partícipes, e tendo en conta que somos unha terra de ameixas, propuxémoslles que nos enviaran a súa receita favorita con ameixas.

O certo é que non moitas se animaron pero... nós sabemos o motivo:  aos bos cociñeiros non lles gusta desvelar as súas receitas 😏 (pero nós seguiremos intentándoo).

Moitas grazas ás familias de Claudia, Desi, Martín, Pablo e Sofía, por ser as pioneiras.

Podedes ver as receitas manuscritas ou online! 
Que modernos somos,eh? E isto débese a que os nosos alumnos están traballando coas Tic elaborando unha "revista de receitas" e, non é por presumir de alumnos pero, estalles a quedar estupenda.

                               

LIMPAMOS A PRAIA

Fai uns días fomos ata a Praia da Concha de Vilagarcía cunha misión moi importante: limpala!

Durante todo o verán, na praia (que tempos aqueles nos que estabamos aínda de vacacións 😆), puidemos ver como por todas partes había plásticos, latas, cabichas...

Nós sabemos que iso está moi mal, que temos que coidar a natureza e respectar a nosa contorna.

Comno agora no centro estamos a traballar no proxecto "Amar o mar", quixemos facer unha demostración do noso "amor" limpando a praia para evitar así que o mar leve cousiñas que o poidan contaminar ou facer dano aos animais que nel viven.

Nós fixemos o que puidemos pero xa se sabe; "moita xente pequena en lugares pequenos, facendo cousas pequenas, poden cambiar o mundo" (Eduardo Galeano).

Úneste a nós?

A AMEIXA

Aproveitando a nosa visita á Illa de Arousa comezamos a traballar os produtos do mar.

Frida, a nosa mascota, fixo os honores e presentounos unha unidade didáctica e diferentes materiais para que coñezamos ben este produto tan importante para Vilagarcía.  

Que ricas están as ameixas do Carril! Non nos extraña nadiña que sexan coñecidas no mundo enteiro nin que a súa festa fose declarada de Interese Turístico de Galicia.

Queremos compartir os nosos materiais!!

Se estades interesados en saber como traballamos este tema non tedes máis que premer nas imaxes e iredes ao arquivo en PDF.

                              

E como material manipulativo nesta unidade: un loto relacionado co mundo das ameixas.

NA ILLA DE AROUSA

O pasado 26 de setembro fomos de excursión ata a Illa de Arousa, sen dúbida, un dos lugares máis fermosos da nosa ría.

Alí, da man de "O sabor da aventura está no mar", vimos como traen e descargan o mexillón procedente das bateas, aprendemos a distinguir tres tipos de ameixas da zona (fina, babosa e xapónica), estivemos a recoller ameixas coas mariscadoras isleñas (moi simpáticas a cariñosas), visitamos a lonxa e, para rematar unha "durísima" xoranda, tivemos unha degustación de produtos do mar.

Foi ou non foi unha actividade marabillosa?

Por certo, se vos pasa coma a nós e dubidades á hora de distinguir os diferentes tipos de ameixas, aquí vos deixamos unha reportaxe da Revista eSmas Vilagarcía na que fan unha moi boa explicación.

Como diferenciar os 3 tipos de ameixa

OS NOSOS PEIXES

Xa vos adiantamos que este ano "O mar" vai ser unha parte moi importante da nosa vida no cole.

Estando onde estamos, nesta contorna privilexiada, non podía ser doutro xeito!!

Fixemos a presentación oficial do proxecto ao noso estilo: dun xeito especial e ao grande!!

Na entrada do cole fixemos un mural cunha rede e uns peixes obra de Mar Barral, unha importante e recoñecida ceramista da nosa terra.

Cada un de nós decorou o seu propio peixe que despois foi colocado na rede. 

Sabemos que está mal dicilo pero o certo é que nos quedou unha composición moi fermosa, e agora, todos aquel que se achegue ao noso centro verá que o mar forma parte de nós.

O MAR... NO COLE!!

Este ano iniciamos o curso dun xeito especial e un pouco sorprendidos porque, cando chegamos ao cole, atopamos a todos os mestres vestidos de mariñeiros (co seu gorro e todo)!!!

Despois explicáronnos que este ano imos facer un "proxecto documental integrado". Ao escoitar ese nome quedamos asustados, xa que soaba a algo moi serio, pero cando nos explicaron que iso significaba que iamos traballar durante todo o curso sobre o tema do mar... a idea encantounos (e entendimos por que os profes ían así vestidos e a ambientación do centro).

Tamén nos contaron que imos ter un Plan Proxecta sobre os alimentos do mar. 

Nós iso de comer peixe... non o levamos moi ben! Pero de seguro que, con estes proxectos, acabaremos convencidos da súa importancia!

Tivemos unha presentación cun xogo para saber en que aula nos tocaba, unha merendola, bilbioteca amenizou a xornada cun conto e un poema sobre o mar e despois tivemos xogos.

Sen dúbida o primeiro día foi xenial... e iso só foi o principio!!!